Jer 23 | ZomZIV | STEP | “Ka lonona muna tuute susia-a a thehthang tuucingte in gimna thuak ta hen!” TOPA in cikhia hi.

Jeremiah 23

A Thumaan Hiang

1 “Ka lonona muna tuute susia-a a thehthang tuucingte in gimna thuak ta hen!” TOPA in cikhia hi. 2 Tua ahi ciangin ka mite a cing tuucingte tungah TOPA Israel Pasian in a gen hih ahi hi: “Note in ka tuuhonte thehthangin na nawhmang uh a, amaute don loin na khoi kei uh hi. Na gamtatsiate uh hangin dan kong tuaksak ding hi,” TOPA in cikhia hi. 3 Ka tuuhon a baanglaite ka hawlkhiatna gamte panin ka kaikhawm dinga, amaute gahpha in a khan nading uh amau lonona munah ka puak kik ding hi. 4 Amaute donin a uk ding tuucingte ka koih dinga amaute lau nawn lo, lungkham nawn loin khat beek a mangthang nawn kei ding uh hi,” TOPA in cikhia hi.

5 TOPA in: “David ^{▼▼23.5 Ahikeh David gui panin khangto} panin pilna tawh
ukin gam sungah thumaan thutangin ^b
na a sem ding kumpi ahi thumaan Hiang khat ^c
ka khankhiatsak hun hong tung ding hi.
6 Ama uk hun sungin Judah kihon dinga
Israel ngaihmuangtakin a teng ding hi.
Amah a kisap nading min in: ^d
TOPA Eite Thumaanna” ahi hi.

7 “Tuatak ciangin TOPA in cikhia hi, ‘Mihing in, Egypt panin Israel mite hong paikhiatpih TOPA nuntak ka lo hi,’ ci nawn lo ding uh a, 8 ahi hangin amaute in, ‘Gam leilu lam le amaute a hawlkhiatna gamte khempeuh panin Israel suante a paikhiatpih TOPA nuntakna lo-in,’ a cih ding hun hong tung ding hi. Tua ciangin amaute amau gamah teng ta ding uh hi,” a ci hi. ^e

Zuaugen Kamsangte

9 Kamsangte tawh kisai-in:

Ka sunga ka lungtang kitam khin a,
ka guh khempeuh kiling khin hi.
TOPA le
a kammal siangthote hangin ^f
zu tam a dawn lua
zukhampa ka bang hi.
10 Gamsung ah angkawmte dim uh hi;
hamsiatna ^{▼▼23.10 Ahikeh hih nate hangin} hangin gamsung teng gawtakin ^{▼▼23.10 Ahikeh leitang thuum},
sehnel-gama lonona teng keucip hi.
Kamsangte in gitlohna lam zui uh a,
a vangliatna uh a maan lopi-in zang uh hi.
11 “Kamsangte le siampite in pasian nei lo uh a; ⁱ
ka biakinnpi sung nangawnah a gitlohna uh ka mu hi,”

TOPA in cikhia hi.
12 “Tua ahi ciangin amaute lampi lam nalna suak a; ^j
amaute khuamial sungah kilutsakin
tua lai-ah a puk ding uh hi.
Amaute dan a kituahsak kumin
amau tungah gimna ka tungsak ding hi,” ^k

TOPA in cikhia hi.
13 “Samaria kamsangte lakah
a muh thadahhuai hih na ka mu hi:
Amaute in Baal minin thu gen uh a, ^l
ka mi Israel-te lam a pialpih uh hi. ^m
14 Tuateh Jerusalem-a kamsangte lakah
a mulkimhuai pawlkhat ka mu hi. ⁿ
Amaute in angkawmin zuau genin a nungta uh hi. ^o
A gitlohna panun kuamah a kikhel loh nadingun
migilote a hanthawn zaw uh hi. ^p
Amaute kei tungah Sodom tawh kibang uh a,
Jerusalem mite Gomorrah tawh a kibang uh hi.” ^q

15 Tua ahi ciangin kamsangte tawh kisai-in TOPA gen hih ahi hi:

“Amaute ankhaa ka nesak dinga,
gu kisawh tui ka dawnsak ding hi,
bang hang hiam cih leh Jerusalem-a kamsangte tungpanin
pasian-milohna gamsung tengah kizel hi.”

16 Hih in Thahatpen TOPA gen ahi hi:

“No tunga thu hong gen kamsangte thu ngai kei un,
lametna zuau tawh note hong dim uh hi.
Amaute in amau lungsima suaktawm thu hong gen uh hi; ^r
TOPA kam sung pan hi lo hi. ^s
17 Amaute in kei hong simmawhte tungah,
‘TOPA in: Lungnopna ngah niteh , ci hi,’ a ci den uh hi. ^t
Amaute lungsim khauhna a zui mite tungah, ^u
‘No tungah siatna hong tung lo ding hi,’ a ci uh hi. ^v
18 Ahi hangin amaute lakah kua pen TOPA tawh thu kikumin ding ngei a, ^w
amah va mu in a thugen va za ahi hiam?
Kua in a thugen ngai-in za ahi hiam?
19 En un, TOPA thangpaihna huihpi
kinuai dinga,
migilote lutungah
pingpei in zialnelh ding hi.
20 A lungsim sunga a tupna teng
a tunsak kim matengin
TOPA hehna a kileh kik kei ding hi. ^x
Hong tung ding hunah
kiciantakin na theitel ding uh hi.
21 Hih kamsangte kei sawl lohpi
amau thusuak tawh a taikhia uh hi a;
ka hopih lohpi-in
thu a gen uh hi.
22 Ahi hangin kei tawh thu kikumin ding khin uh hileh ^y
ka mite tungah ka kammalte gen ding uh a,
a gitlohna panun kikhelsakin
a gamtat hoih lo panun kiheisak ding hi.
23 “Kei in a nai-a omte bek Pasian hi in,
a gamla-a omte Pasian hilo tuan ka hi hiam?

TOPA in cikhia hi.
24 Kei muh loh dingin mi khatpeuh
kawmbu lakah bu thei ahi hiam? ^z

TOPA in cikhia hi.
“Leitung vantung dim lo ka hi hiam?” ^aa

TOPA in cikhia hi.

25 “Keima mina zuauthu gen kamsangte thugen ka za khin hi. Amaute in,’Mang man ing ei! Mang khat man ing ei!’ ci uh hi. 26 Amaute lungsim sunga suak peuh a gen zuauthei kamsangte lungsim ah hihte bangtan vei suak lai ding ahi hiam? 27 A pate un Baal biakna hangin ka min a mangngilh uh bangin amaute khat le khat a kikup uh a mangte un ka mite, ka min a mangngilhsak ding sa uh hi. 28 Kamsang mang manpa in a mang gen henla ka kammal nei pa in zong muanhuaitak mahin gen ta hen. Buhtu le buhtang bangci kibat thei ding ahi hiam?” TOPA in cikhia hi. 29 “Ka kammal mei tawh kibangin suangtum a satzan sek tawh kibang hi lo ahi hiam?” TOPA in cikhia hi.

30 Tua ahi ciangin,” TOPA in cikhia hi, “Kei tung pan hi dinga a upmawh uh thu khat le khat a kiguksaktuah uh kamsangte langah ka pang hi. 31 Hihi, “TOPA in cikhia hi, “Amau leii tawh a lumletlet uh hi napi,’ TOPA genkhiat ahi hi,’ a ci kamsangte langkhatah ka pang hi. 32 Hi taktak hi, amaan lo mang thu peuh a gente langkhatah ka pang hi,” TOPA in cikhia hi. “Kei sawl le kei koih hi lo napi amaute in khiatna nei lo zuauna tawh thu hilh uh a, ka mite lam a pialpih uh hi. Amaute in hih mite tungah metna them khat zong a pia kei uh hi,” TOPA in cikhia hi.

Thusuak-zuau le Kamsang-zuau

33 Hih mite ahi a, kamsang khat ahi a, siampi khat in ahi zongin, ‘TOPA thusuak ^{▼▼23.33 Ahikeh vangik (Septuagint le Vulgate en in)} bang hiam,’ ci-a hong dot ciangin amaute kiangah, ‘Bang thusuak hiam? ^{▼▼23.33 Hebrew, Septuagint le Vulgate; note vangik na hi uh hi;Hebrew ah thusuak le vangik kibang hi} Nang kong taisan ding hi,’ TOPA in cikhia hi,’ ci in. 34 Kamsang khat ahi a, siampi khat ahi a, midang khatpeuh in ahi zongin hong gen a, ‘Hih in TOPA thusuak ahi hi,’ a cihleh tuapa le a innkuanpihte dan ka tuaksak ding hi. 35 Note in na lawmte uh le na tanaute uh tungah: ‘TOPA hong dawnna bang ahi hiam?’ ahikeh TOPA in bang gen ahi hiam?’ na ci den ding uh hi. 36 Ahi hangin, ‘TOPA thusuak na ci kha nawn peuhmah kei ding uh hi; bang hang hiam cih leh mi khempeuh neih kammal amau thusuak hi a, note in eite Pasian, Thahatpen TOPA, a nungta Pasian kammal tawh na kipelhsak uh hi. 37 Kamsangpa tungah: ‘TOPA hong dawnna bang ahi hiam?’ ahikeh ‘TOPA in bang hong gen hiam?’ na ci den ding uh hi. 38 Note in, ‘Hih in TOPA thusuak ahi hi,’ na cih uh hangin, TOPA gen hih ahi hi: ‘Hih in TOPA thusuak ahi hi,’ ci kei un ka cih hangin note in, ‘Hih in TOPA thusuak ahi hi,’ na ci teitei uh hi, 39 tua ahi ciangin note kong mangngilh taktak dinga ka omna panin note le na pate uh kong piaksa khuapi tawh kong lawnkhia khawm ding hi. 40 Keimah in note tungah a tawntung zahlaakna a kimangngilh lo ding maizumna kong tungsak ding hi,” a ci hi. ^ad